NOTA PÚBLICA.

NOTA PÚBLICA

Quiero manifestar públicamente el mio rechazu y la mio oposición a la utilización illexítima del mio nome y apellíu, utilización fecha contra la expresa prohibición mía, pa la realización d’una interesada “encuesta” sobre l’estándar del asturianu entamada polos señores Don Ramón d’Andrés y Don Xuan Santori que se publicó de recién. Afirmo una vegada más que les Xuntes d’Escritores coordinaes en 2005, 2008, 2010 y 2012 nun cuntaron con nengún tipu d’ayuda económica de dineru públicu pa la so organización y que toes elles entamáronse a través d’una convocatoria pública fecha durante meses previos convidando a tol mundu interesáu ensin discriminaciones de nengún tipu a participar activamente nelles. Frutu d’esos alcuentros la editorial Trabe asoleyó dos llibros d’actes en 2007 y 2009 llueu de recibir esta empresa dos suvenciones de la Conseyería de Cultura y Turismu, dineru que nin yo como coordinador nin naide de los participantes recibió un solu céntimu. La editorial Trabe cedió 25 exemplares de los mesmos que se repartieron gratuitamente ente los participantes y asistentes. Mui al contrario, otres actuaciones d’esa mesma Conseyería del PSOE, ante los presuntos casos d’usu fraudulentu y prevaricador del dineru públicu presupuestáu alcuéntrense anguañu siendo investigaes polos Tribunales de Xusticia. Los intentos de xustificar interesadamente la política cultural y lúdica de les Conseyeríes del PSOE y la so xestión sospechosa sobre los recursos públicos por extrañes votaciones realizaes por individuos protexíos políticamente, favorecíos materialmente y privilexaos personalmente que sí se beneficiaron d’ella y del so escurantismu resúltenme del tou patéticos y rechazables. Tamién denuncio y nun comparto esi afán enfermizu por desacreditar y desprestixar siempre a l’ALLA y al so estándar, cuando los culpables del desaniciu llingüísticu y cultural que padez Asturies siempre foi y ye culpa de los goviernos que la malgovernaron nestes décades que fueron prácticamente toos del PSOE apoyaos pola IU. Les persones que vivimos del nuesu dineru o trabayu personal  y nun tenemos qu’agradecer nada a nenguna Conseyería, a negún partíu nin a nengún padrín conseguidor, somos más llibres pa esixir los nuesos derechos cuando éstos s’alcuentren vulneraos ya inda más cuando nos atopamos con indefensión, marxinación y desamparu. En cambiu les persones serviles, que viven o pretenden vivir de los favoritismos políticos, de les prebendes del poder, enchufes o amiguismos y de les suvenciones publiques presupuestaes que pagamos a la fin toos y toes siempre serán siervos de la so propia indignidá yá que la mano mafiosa que da de comer siempre pide obediencia, sumisión, sectarismu y complicidá indignes, intentando cuasi siempre emporcar a los que los arrodien coles sos propies miseries, servidumes y espúreos intereses.

The eyes of corruption

can only see

their own overthrown and desmay.

Xaviel Vilareyo

Uviéu, 4 de setiembre 2013.

NOTA PÚBLICA-

NOTA PÚBLICA

Quiero manifestar públicamente el mio rechazu y la mio oposición a la utilización illexítima del mio nome y apellíu, utilización fecha contra la expresa prohibición mía, pa la realización d’una interesada “encuesta” sobre l’estándar del asturianu entamada polos señores Don Ramón d’Andrés y Don Xuan Santori que se publicó de recién. Afirmo una vegada más que les Xuntes d’Escritores coordinaes en 2005, 2008, 2010 y 2012 nun cuntaron con nengún tipu d’ayuda económica de dineru públicu pa la so organización y que toes elles entamáronse a través d’una convocatoria pública fecha durante meses previos convidando a tol mundu interesáu ensin discriminaciones de nengún tipu a participar activamente nelles. Frutu d’esos alcuentros la editorial Trabe asoleyó dos llibros d’actes en 2007 y 2009 llueu de recibir esta empresa dos suvenciones de la Conseyería de Cultura y Turismu, dineru que nin yo como coordinador nin naide de los participantes recibió un solu céntimu. La editorial Trabe cedió 25 exemplares de los mesmos que se repartieron gratuitamente ente los participantes y asistentes. Mui al contrario, otres actuaciones d’esa mesma Conseyería del PSOE, ante los presuntos casos d’usu fraudulentu y prevaricador del dineru públicu presupuestáu alcuéntrense anguañu siendo investigaes polos Tribunales de Xusticia. Los intentos de xustificar interesadamente la política cultural y lúdica de les Conseyeríes del PSOE y la so xestión sospechosa sobre los recursos públicos por extrañes votaciones realizaes por individuos protexíos políticamente, favorecíos materialmente y privilexaos personalmente que sí se beneficiaron d’ella y del so escurantismu resúltenme del tou patéticos y rechazables. Tamién denuncio y nun comparto esi afán enfermizu por desacreditar y desprestixar siempre a l’ALLA y al so estándar, cuando los culpables del desaniciu llingüísticu y cultural que padez Asturies siempre foi y ye culpa de los goviernos que la malgovernaron nestes décades que fueron prácticamente toos del PSOE apoyaos pola IU. Les persones que vivimos del nuesu dineru o trabayu personal  y nun tenemos qu’agradecer nada a nenguna Conseyería, a negún partíu nin a nengún padrín conseguidor, somos más llibres pa esixir los nuesos derechos cuando éstos s’alcuentren vulneraos ya inda más cuando nos atopamos con indefensión, marxinación y desamparu. En cambiu les persones serviles, que viven o pretenden vivir de los favoritismos políticos, de les prebendes del poder, enchufes o amiguismos y de les suvenciones publiques presupuestaes que pagamos a la fin toos y toes siempre serán siervos de la so propia indignidá yá que la mano mafiosa que da de comer siempre pide obediencia, sumisión, sectarismu y complicidá indignes, intentando cuasi siempre emporcar a los que los arrodien coles sos propies miseries, servidumes y espúreos intereses.

The eyes of corruption

can only see

their own overthrown and desmay.

Xaviel Vilareyo

Uviéu, 4 de setiembre 2013.

NOTA PÚBLICA

Quiero manifestar públicamente el mio rechazu y la mio oposición a la utilización illexítima del mio nome y apellíu, utilización fecha contra la expresa prohibición mía, pa la realización d’una interesada “encuesta” sobre l’estándar del asturianu entamada polos señores Don Ramón d’Andrés y Don Xuan Santori que se publicó de recién. Afirmo una vegada más que les Xuntes d’Escritores coordinaes en 2005, 2008, 2010 y 2012 nun cuntaron con nengún tipu d’ayuda económica de dineru públicu pa la so organización y que toes elles entamáronse a través d’una convocatoria pública fecha durante meses previos convidando a tol mundu interesáu ensin discriminaciones de nengún tipu a participar activamente nelles. Frutu d’esos alcuentros la editorial Trabe asoleyó dos llibros d’actes en 2007 y 2009 llueu de recibir esta empresa dos suvenciones de la Conseyería de Cultura y Turismu, dineru que nin yo como coordinador nin naide de los participantes recibió un solu céntimu. La editorial Trabe cedió 25 exemplares de los mesmos que se repartieron gratuitamente ente los participantes y asistentes. Mui al contrario, otres actuaciones d’esa mesma Conseyería del PSOE, ante los presuntos casos d’usu fraudulentu y prevaricador del dineru públicu presupuestáu alcuéntrense anguañu siendo investigaes polos Tribunales de Xusticia. Los intentos de xustificar interesadamente la política cultural y lúdica de les Conseyeríes del PSOE y la so xestión sospechosa sobre los recursos públicos por extrañes votaciones realizaes por individuos protexíos políticamente, favorecíos materialmente y privilexaos personalmente que sí se beneficiaron d’ella y del so escurantismu resúltenme del tou patéticos y rechazables. Tamién denuncio y nun comparto esi afán enfermizu por desacreditar y desprestixar siempre a l’ALLA y al so estándar, cuando los culpables del desaniciu llingüísticu y cultural que padez Asturies siempre foi y ye culpa de los goviernos que la malgovernaron nestes décades que fueron prácticamente toos del PSOE apoyaos pola IU. Les persones que vivimos del nuesu dineru o trabayu personal  y nun tenemos qu’agradecer nada a nenguna Conseyería, a negún partíu nin a nengún padrín conseguidor, somos más llibres pa esixir los nuesos derechos cuando éstos s’alcuentren vulneraos ya inda más cuando nos atopamos con indefensión, marxinación y desamparu. En cambiu les persones serviles, que viven o pretenden vivir de los favoritismos políticos, de les prebendes del poder, enchufes o amiguismos y de les suvenciones publiques presupuestaes que pagamos a la fin toos y toes siempre serán siervos de la so propia indignidá yá que la mano mafiosa que da de comer siempre pide obediencia, sumisión, sectarismu y complicidá indignes, intentando cuasi siempre emporcar a los que los arrodien coles sos propies miseries, servidumes y espúreos intereses.

The eyes of corruption

can only see

their own overthrown and desmay.

Xaviel Vilareyo

Uviéu, 4 de setiembre 2013.

Carlos Blanco, guionista asturianu (1917-2013)

Carlos Blanco, guionista asturianu (1917-2013)

Cuando conocí a Carlos Blanco nel Teatru Reina Victoria de Madrid na presentación d’un llibru sobre la biografía del actor José Luis López Vázquez nun podía creer que taba con unu de los guionites asturianos de cine más importantes non yá del cine asturianu sinón del mundu del cine.

La so vida ye daveres toa una hestoria de película. Carlos Blanco nació en Xixón en 1917 nel Antigu Institutu Xovellanos, entós escuela y vivienda de maestros, hasta que n’avientu de 1934, llueu de ver en Xixón aquel intentu de revolución socialista, llega a Madrid con so padre, onde dos años depués atópase con otra guerra que marcará la so vida. Del drama de la Guerra del 36 lluchando pola República nel barriu madrileñu d’Aluche hasta Córdoba onde lu prindaron, pasando per cinco llargos años d’intermanientu en campos de reeducación, esto ye, presu, hasta convertise nel guionista más famosu del momentu y triunfar en Hollywood onde vivió cinco años trabayando pa los más importantes estudios cinematográficos y conociendo a artistes como Humphrey Bogart, Lauren Bacall, Ava Gadner o los hermanos Manckiewicz. Na so reclusión forzada naquellos campamentos d’excombatientes republicanos Don Carlos Blanco nun tenía más distracción que la d’imaxinar la so infancia recordando aquelles hestories lexendaries que lleía de guaje na biblioteca de casa, con aquellos llibros d’historia heroica que falaben de los reis y reines, de les guerres medievales, de los castiellos fabulosos y tamién recordar les películes que los mandos republicanos poníen a los combatientes durante la Guerra na retaguardia pa distrayelos.

Asina, en viendo depués un anunciu d’un concursu de guiones presentóse pa poder ganar daqué que lu salvara de la miseria ganando’l so primer premiu en 1940 col guión de Don Beltrán de la Cueva, ambientáu na época d’Isabel de Castiella. Foi asina cómo entamó la carrera profesional d’unu de los nuestros grandes guionistes, con películes, munches d’elles de tema históricu, como: Cuando llegue la nueche, La princesa de los Ursinos, Les agües baxen negres, Llegada de nueche, Llocura d’amor, 39 cartes d’amor, Don Xuan, (una de les meyores adaptaciones del Don Xuan), Los güeyos dexen buelga, Tou ye posible en Granada, Los pexes coloraos, (película ésta rodada en Xixón), Diez fusiles esperen, Los gallos de la madrugada, y otros guiones más que o bien se perdieron o nunca se rodaron... aínda. Funda una productora propia, Óscar P.C., cola que rodaría Don Quixote cabalga de nuevo, La espada prieta y Herba xabaz yá nos años 1970 con guiones suyos.

Ye cuando llega la supuesta Democracia cuando Carlos Blanco cai nun estrañu olvidu, cuando esos supuestos neoprogresistes dan la espalda al nuestru gran guionista acusándolu de tener trabayao pal primu del fundador de la Falanxe y director preferíu de Franco, el gran director de cine José Luis Sáenz de Heredia col que rodó seis películes. La tristura y la vergoña que me produz que’l públicu nun conoza en realidá al guionista asturianu Carlos Blanco tien relación con esi desdén esistente n’Europa, que non n’Estaos Uníos, hacia’l llabor de los guionistes en xeneral, pues són ellos los padres de les películes, los escritores y autores de los argumentos y de los diálogos. 

Por ello allegréme abondo cuando naquel momentu que lu conocí en persona Don Carlos Blanco aceptara complacíu el nuesu Premiu d’Honor del 7u Festival de Cine Asturianu 2011 que díbemos celebrar en Madrid como merecíu homenaxe a él. Y muncho nos prestaría a toos que dalguién rodara algún día los sos guiones inéditos. Él tovía presume de saber falar n’asturianu. Foi tou un honor pa min conocer a Don Carlos Blanco Hernández.

Los Vándalos

Los vándalos

La llegada de vándalos al noroeste peninsular nel 409 da pasu a otra etapa más pacífica. La parte occidental quedaba pa los suebos (lucense y bracarense) mentantu que la oriental quedaba pa los vándalos hasdingos (asturum y cluniense). La división ente suebos y vándalos pautóse nel ríu Eo (Pedrafita de Camporredondo) siendo la llende divisoria ente suebos y vándalos. Los suebos aspiraben a espansionase más pal Este pela meseta y nel 419 los vándalos al mandu del rei Gundericu ataquen a los suebos d’Hermerico ganándolos nuna batalla nel Bierzu (Nerbasis) y asedien la capital sueba, Braga. Pero na práctica el territoriu vándalu quedó desprotexíu, abandonáu a los sos habitantes, siendo la Ilesia arriana la única institución vertebradora y adminsitradora del territoriu tresmontanu.  El desaniciu de la monarquía vándala nel norte nel 429 y l’abandonu de les tropes romanes dexaron al noroeste peninsular ensin nenguna autoridá. El dominiu suebu na cornisa norte de peñes a la mar foi nula dafechu.

En realidá esti territoriu ta organizáu y defendíu militarmente por una organización vándalo-autóctona y estructuráu internamente dende’l sieglu V por una Ilesia arriana propia. Esti estáu d’independencia frente a los visigodos durará trés sieglos. Los intentos de conquista visigoda del norte entamaron con Sisebutu pero’l dominiu nunca se materializó. La fastera norte atlántica nunca foi visigoda. Esti fechu favoreció una integración interna relixosa ente los territorios tresmontanos que van del Eo al Nervión (Totas Asturias per flumen magnum Ove usque Biscayam). Consolidóse un poder eclesial centráu alrodiu de Lucus Asturum como tiesta monástica que non sólo daría nome al territoriu atlánticu de peñes a la mar, dixebrándolu como corónimu frente a la meseta  visigoda, sinón que facilitó el desarrollu d’una poderosa aristocracia autóctona.

Cola llegada de los vándalos a Lucus Asturum peracaba la dominación del imperiu romanu nesta Asturia y entama la definitiva cristianización (arriana) y desromanización. Los vándalos van amestase cola población autóctono. La güelga de los vándalos na Asturia de Lucus Asturum foi fonda. La presencia vándala continuó. Los vándalos traxeron la relixón cristianoarriana. Non sólo nun desanicien Lucus Asturum sinón que la favorecen revitalizándola. Nomes vándalos son: Salas, Frexulfe, Fafilán, Sama, Godina, Gudín, Guimarán, Gauzón, Guarda, Taramundi, Sariegu, Siero, Suarón... Gaudiosa, Salamino, Gomesindo, Guimara-Vimara, Hermesinda, Leminio, Ausano, Bermutus, Hordonius, Fáfila... tapín, llata, gabitu, estaca, amagar....

El reinu de Gundericu n’Asturia duró unos vente años (409 – 428)  asentándose sobre Lucus Asturum nel norte y Astúrica nel sur. Lucus Asturum sedría  de nuevo un centru rector nel norte, dominando un llargu territoriu d’Este a Oeste nomáu por ello Asturia. L’ayalga de monedes d’oru romanes atopaes en Chapipi (Grau) y formáu por 14 piezes tardo-romanes del 379 al 423 són prueba d’una fuxida ante la llegada violenta de la invasión vándala. La so incursión vendría pel sur per La Mesa o Memorana. La esistencia d’un primer monasteriu cristiano-arrianu de Lucus Asturum nun nos consta, siendo l’arrianismu oficialmente una herexía, pero conservamos dos monasterios-ilesies: Santuyanu y Santa María de La Vega, propiedaes reales restos de templos anteriores. Itacio escribió que los vándalos “fundaron” una ciudá col nome de Lugo n’Asturies, en realidá “refundándola” sobre pegoyos cristianos: fundaron un monasteriu principal nel que l’abá exercía les funciones d’un obispu superior que presidirá toa una rede subordinada de monasterios. Esta yera la forma d’organización arriana y tamién la d’Irlanda, de tipu monásticu, diferente del modelu romanu. El monasteriu vándalu de Lucus Asturum yera la tiesta principal d’una rede eclesiástica dende’l sieglu V nun espaciu que güei nomamos “Les Asturies”. El Liber Itacii noma como reis a Gesericus (428-477), Hunericus (477 – 484), Gundamundus (484 – 496), Trasamundus (Isoris 496 – 523) y Gelimerus (Guimel 530 – 534). Gundericu sedría asina el primer rei d´Asturies de la estirpe vándalo-hasdinga.

Si nel sieglu V hai un obispáu d’Astorga nel sur que termina onde entama otra Asturia tresmontana de Lucus Asturum. Pal occidente d’esta Asturia atopamos l’obispáu de Britonia-Mindoñéu dende’l sieglu VI y pal oriente ta l’obispáu de Calagorra hasta’l Valle de Gordeyuela incluyendo Llantero, Arceniega, o Güeñes (Valmaceda) mentáu primeramente nel 463. L’espaciu eclesial con centru en Lucus Asturum va conocese como Asturia del Eo al Mena. Asturies, como la entendemos agora, ye una creación eclesial del sieglu V que comprendía un territoriu que tenía por centru organizativu a Lucus Asturum.

Fruela II, rei d'Asturies

Fruela II, rei d'Asturies

El príncipe Fruela nació n’Uviéu nel 874. Yera’l tercer fíu d’Alfonsu III el Grande remaneciendo nel séquitu paternu hasta 909. Alfonsu muerre nel 910 y los trés fíos, García, Ordoñu y Fruela, deciden repartise’l Reinu Asturianu. 

Ordoñu, predilectu del padre, tenía meyor derechu sobre Galicia pues governábala dende trece años. Fruela quedó con Asturies, del ríu Eo al Deba de Vasconia, la parte histórica, primixenia y más segura. García, el primoxénitu, pretendía la hexemonía pero quédase cola mayor y más difícil parte: la espansiva y conflictiva tierra del Dueru.

La partición del Reinu Astur foi un fechu anormal, escepcional y forzáu, motiváu por problemes ente hermanos y porque Ordoñu yá tenía’l goviernu delegáu de Galicia. García sublevárase contra so pá que lu peslló nel castiellu de Raíces como castigu, dando llugar a qu’Ordoñu y Fruela ficieren valer derechos de fidelidá. Resurdió la teoría xermánica de la escoyeta de rei y los derechos del primoxénitu poníense en dulda. El repartu foi una solución apañada ante les aspiraciones esclusives de García.

Fruela II y la reina Nunilo són reis soberanos d’Asturies, unxíos y proclamaos en 910 na catedral d’Uviéu onde prueben vinculación y preferencia por esti territoriu cola donación a la Ilesia d’Uviéu d’un grandiosu regalu: la Caxa de les Ágates como gratitú por merecer a títulu de rei les tierres al norte de los montes.

El príncipe Fruela nació n’Uviéu nel 874. Yera’l tercer fíu d’Alfonsu III el Grande. Alfonsu muerre nel 910 y los trés fíos, García, Ordoñu y Fruela, deciden repartise’l Reinu Asturianu.

Lleva grabada la Cruz de Pelayu en plata como símbolu del comienzu del so reináu nel territoriu orixinariu d’Asturies.

Fruela II afírmase n’Asturies como soberanu teniendo una meyor relación con Ordoñu yá que dambos temíen que García nun respetara’l repartu. En 912 dona a la Ilesia d’Uviéu abondos llugares, como Santa María de Banduxu, confirmando privilexos y concesiones coles pallabres Froila rex et Nunilo regina. 

La separtación de les tierres del Eo al Nervión (Asturies) confirieron al reináu de Fruela II una independencia política nun territoriu cuasi igual al d’Alfonsu I pero cola ventaya de la seguridá y l’ausencia de necesidaes béliques. Los actos oficiales tán orniaos con gran signu de realeza ente los años 910 y 924. La donación de la Caxa ye prueba d’ello y símbolu de maxestá. En 1912 na donación a la Ilesia d’Uviéu de Gozón, Bárcena y Luerces failo col títulu de “Fruela rei, fíu de los reis Alfonsu y Ximena”.

En 914 muerre García en Lleón y el so hermanu Ordoñu II lu sucede. Fruela II sigue col so poder nel so territoriu asturiense.

Na Llébana, Fruela II foi mui popular, testimoniándose que reinaba’l príncipe Fruela en 1914 y en 1915 reitérase que Fruela reinaba n’Asturies.

La Caxa de les Ágates lleva grabada la Cruz de Pelayu en plata como símbolu del comienzu del so reináu nel territoriu orixinariu d’Asturies.

Nesti territoriu hai abondes menciones al so reináu n’Asturies como “el nuestru príncipe Fruela” o “rei n’Uviéu”.

En 916 confirma’l cenobiu de Valdecésar, en 918 dona Candás a la Ilesia y cede Santiago de Viñayo a la lleonesa. Vuelve casar cola princesa Urraca. Realiza en 922 una importante obra, la meyora del camín hacia la meseta per Somiedu onde dexó la inscripción “Fuit facta vía Regnante Froila cum Urraca conyuge”. 

El 20 de xunu de 924 muere Ordoñu II y Fruela II sucede al so hermanu, volviendo a xuntase tolos territorios del Reinu d’Asturies. Fruela II tenía devoción por Compostela y ye acá onde se proclamar el 28 de xunu de 924 como soberanu de tolos territorios, del Mondego al Nervión, donando de les doce milles alredor de la basílica de Santiagu. San Martín 

de Turieno remembra a Fruela como “regnante príncipe nostro Froilani in Asturias”. Convalida Tuñón y autoriza’l cartulariu de Samos cola espresión “Froila rex confirmat”. Confirma a Hermenexildo, obispu de Compostela donándo-y Montaos. Autoriza al abade Atanrico un monasteriu en Katicas donándo-y ilesies. Confirma a Santiagu la villa de Valga. Dona a San Isidru de Dueñas. Confirma al abade Atanarico y a San Andrés de Parameno. Castigó a los condes en Carrión, executó a los fíos d’Olmundo y destituyó al obispu de Lleón Fruminiu.

En 925 muerre Fruela II en Lleón. Los sos fíos sufrieron una griesca ente primos pola corona d’Asturies. El fíu d’Ordoñu apresólos y mandólos cegar. Alfonsu Froilaz sólo ye rei per un añu. Los cuerpos del rei Fruela II y de Nunilo lleváronse pa la ilesia de Santa María d’Uviéu “ad laevam in secunda techa”. Nenguna cai d’Uviéu lleva’l so nome.

La llingua asturiana en Salamanca

http://www.academia.edu/3646869/La_llingua_asturiana_en_Salamanca