9FCA 2014 UNA EDICIÓN INOLVIDABLE

Maximiano García Venero y la reunificación d'Asturies

Maximiano García Venero (Santander 1907 – Madrid 1975) foi un reconocíu historiador y periodista santanderín de llarga trayectoria que trabayó con sencia pa llograr la reunificación política de les dos provincies asturianes: Uviéu y Santander.

Fundó los periódicos Mediterráneo y Levante. Escribió amplies biografíes de personaxes relevantes como Francisco Cambó, Antonio Maura, Alfonso XII, Melquíades Álvarez o Eduardo Dato. Trabayó tamién nel periódicu izquierdista La Región. De posiciones polítiques inicialmente lliberales pasó a oponese dafechu al Frente Popular y ante l'ascensu del comunismu, anarquismu y nacionalismos separatistes, decidió apoyar a la Falanxe. Pero la so verdadera vocación posterior foi la lliteraria y la d'investigador de la historia contemporania d'Hespaña. Entre los llibros que publicó destaquen Historia del nacionalismo catalán (1944 y 1967), Historia del nacionalismo vasco (1945 y 1968), Historia del parlamentarismo español (1946), Historia de las Internacionales en España (tres tomos surdíos ente 1956 y 1957), ya Historia de los Movimientos Sindicalistas en España (1961).

La Constitución hespañola de 1931 proponía que les provincies limítrofes podíen establecese como Rexones Autónomes y dotase d'un Estatutu d'Autonomía propiu con goviernu y parlamentu. Maximiano García Venero darréu vio que l'afinidá ente les provincies d'Uviéu (Asturies d'Uviéu) y Santander (Asturies de Santiyana) venía a confirmar la necesidá d'una reunificación de les antigues ya históriques dos Asturies conformando una sola entidá política que la propia historia configuró como una sola realidá etnocultural sólo dixebrada por artificiales divisiones alministratives recientes. Como bon historiador Maximiano García Venero sabía que dende 1835 les ancestrales Asturies d'Uviéu, Santiyana y Tresmiera quedaron convertíes por arte de barrabiellu alministrativu nes provincies d'Uviéu y Santander, con pérdida incluso de territorios históricos a favor de Lugo y Lleón (Burón-Miranda, Suarna, Sayambre-Valdeón). Llegáu yera'l momentu en 1932 de recomponer lo que la historia xuntó per sieglos y que los intereses político-caciquiles separtaron: reaxuntar el territoriu históricu d'Asturies agrupando políticamente a les provincies d'Uviéu y Santander (Les Asturies).

Maximiano García Venero sigue la tradición reintegracionista o unionista del territoriu de Les Asturies que promovieron insignes y destacaos políticos y escritores santanderinos y otros destacaos asturianos de la xeneración de 1865.

Como periodista, el primer pasu de García Venero sedría mobilizar a la prensa, tanto a la d'Uviéu, Xixón y Santander como a la de Madrid, apelando a la necesidá espiritual o "derechu de categoría espiritual" que daría lexitimidá a la xuntanza de les dos provincies. Esi elementu espiritual sedría l'étnicu (entendíu como "cultural" o "cultura compartida"). Otru sedría l'afectivu y sentimental (apreciu ente les dos provincies y rechazu común a Castiella) y un terceru sedría el material o económicu, les ventayes económiques al empar de la rexuntanza pa los dos territorios.

La prensa d'Uviéu recoyó les propuestes de reaxuntanza territorial de García Venero con "una interesante manifestación de simpatía" como él mesmu escribió. L'argumentu principal de García Venero yera qu'ente la provincia de Santander y la d'Uviéu existe positivamente una lligazón espiritual, étnica ya histórica (Les antigues Asturies d'Uviéu y Asturies de Santiyana) y por ello Les Cortes de Madrid nun podíen fomentar problemes artificiales d'autonomíes non-históriques. La xuntanza de Santander con una Autonomía castiellana sedría pa García Venero "un caos" debío a les fondes diferencies culturales. En cabiu, la Rexón autónoma d'Uviéu y Santander (Les dos Asturies) produciría un conxuntu de ventayes pa toos. Ganadería, agricultura, poblamientu, territoriu, pesca són iguales tanto n'Uviéu como en Santander y la industria y minería d'Uviéu compensaría la escosura industrial de Santander pa poder competir les dos provincies xuntes frente a Vascongaes y Galicia.

García Venero impulsa asina la necesidá de facer un Estatutu biprovincial de Les dos Asturies darréu, antes de que se faiga unu castiellanu. Asina cada Diputación fairía un proyectu que se refundiría nun Anteproyectu d'Estatutu, que, aprobáu nun referéndum popular, s'entregaría a la Comisión d'Estatutos de Les Cortes de la República en Madrid onda se discutiría, votaría y promulgaría. En 1935 el nuevu Estatutu panasturianu podría yá tar en vigor según los sos cálculos.

Maximiano García Venero sigue la tradición reintegracionista o unionista del territoriu de Les Asturies que promovieron insignes y destacaos políticos y escritores santanderinos como fueron Gumersindo Laverde, Marcelino Menéndez Pelayo o José María de Pereda y otros destacaos asturianos de la xeneración de 1865 como Justo Álvarez Amandi, Arias de Miranda, Eduardo Bustillo, Narciso Campillo, Emilio Carrizo del Riego, Nicolás Castor de Caunedo, Adolfo de la Fuente, Ángel Fernández de los Ríos, Juan García, Montequín, Luis Pérez Mínguez, Cándido Salinas, David Sampil y Ceferino Suárez Bravo.

FOTOS DEL 9u FESTIVAL DE CINE ASTURIANU 2014

Palmarés del 9u Festival de Cine Asturianu 2014

Palmarés del 9u Festival de Cine Asturianu

El 9u Festival de Cine Asturianu 2014 entregó los sos Premios el pasáu 5 de xunetu nos salones del Atenéu de Madrid nuna gala onde se rindió un homenaxe al director de cine Javier Maqua.

El curtiumetraxe tituláu Deil del director asturianu David Rodriguez Muñiz resultó ser el ganador del Premiu al Meyor Curtiumetraxe, producíu por Amanita Films y protagonizáu por Borja Luna, Carles Moreu y Julio Vélez trata sobre un misteriosu personaxe recluyíu nuna clínica psiquiátrica. El Segundu Premiu foi pa Ni jing/Nun robarás de Roberto Canuto y Xu Xiaoxi, rodada en China en llingua chengdú ye una obra basada nun fechu real. El Tercer Premiu foi pa La paciencia del cazador de Kiko y Javier Prada. El Cuartu Puestu pa Peones de Benjamín Villaverde y el Quintu pa Anita d’Alicia Presencio.

El Premiu a la Meyor Película foi pa Desire Street (Cai Deséu) de los realizadores Roberto Canuto y Xu Xiaoxi rodada en California que trata con gran maestría técnica y con un buen tratamientu del guion sobre’l choque xeneracional y los conflictos sexuales y familiares d’una sociedá multiétnica. El Premiu al Meyor Actor foi pal actor asturianu Fernando Martínez pol  so papel protagonista na película Bernabé, de Pablo Casanueva y la Meyor Actriz foi pa l’artista china Xia Ruihong pol so papel en Ni jing/Nun robarás.

El Premiu d’Honor del 9u Festival de Cine Asturianu 2014 foi pal director y guionista Javier Maqua (Madrid, 1945), vinculáu familiarmente con Avilés, realizador de series de televisión como Vivir cada día y de películes como Tú tas llocu Briones (1980), Chevrolet (1991), Carne de pita (2002) y docudrames como Apuntase a un bombardéu (2003).

A la Gala d’Entrega de Premios, presentada con actuaciones d’Adrián Zamanillo y de Rosaura de la Cueva, acudieron tamién personalidaes del mundu del cine como Alfonso Vallejo, David Blanka, Victre Tretas, Borja Luna, Luis Fernández, Claudia Lorenzo, Toñi Puerta, los hermanos Prada, Rosa María García, Pilar García, Mary Chely Fernández entre munchos otros más convidaos. Los xuraos d’esta novena edición fueron la directora Teresa Marcos, el productor Geno Cuesta y la Secretaria de Cultura de la Unión d’Actores d’Asturies Mary Chely Fernández. Los ganadores reciben amás de Diploma una suscripción gratuita a la plataforma Festhome.

El Festival de Cine Asturianu nació el 27 d’abril de 2005 cola idea de celebrar el primer centenariu del cine asturianu de ficción. El troféu principal del Festival ye un “Fruteru de Cristal” en recuerdu de la primer película asturiana de ficción de 1905 titulada El robu de fruta rodada por Javier Sánchez Manteola. Les mazanes són tamién el símbolu del Festival qu’acueye obres cinematográfiques de directores asturianos o rodaes n’Asturies en cualaquier llingua. Nes pasaes ediciones el Festival de Cine Asturianu celebró homenaxes a Gil Parrondo, Mary Paz Pondal, Xuan Gona, Gonzalo Suárez, Lilián de Celis, Juan José Otegui, Carlos Blanco y Frank Braña.

Les proyecciones de la Sección Oficial d’esta novena edición van tener llugar los díes vienres 12 y sábadu 13 de setiembre en Xixón nel Salón d’Actos del Antigu Institutu dende les 18 hores y toles sesiones són d’entrada gratuita. La proyección de Desire street, la película ganadora supondrá el so estrenu absolutu n’Europa nuna sesión que quier rendir tamién un nuevu homenaxe a los finalistes y ganadores d’esti Novenu Festival de Cine Asturianu 2014, que tamién taba dedicáu a recordar a les Nueve Muses del arte clásicu.

PALMARES DEL 9u FESTIVAL DE CINE ASTURIANU 2014

DEIL y Desire Street triunfan en el 9u FESTIVAL DE CINE ASTURIANU

Fernando Martínez y Xia Ruihong, meyores actores

El cortometraje DEIL del director asturiano David Rodriguez Muñiz resultó ganador del Premiu al Meyor Curtiumetraxe del Noveno Festival de Cine Asturianu que entregó sus Premios el 5 de Julio de 2014 en el Ateneo de Madrid. Producida por Amanita Films y protagonizada por Borja Luna, Carles Moreu y Julio Vélez sobre un misterioso personaje recluido en una clínica psiquiátrica. El Segundu Premiu fue para Ni jing/No robarás de Roberto Canuto y Xu Xiaoxi, rodada en China en lengua chengdú basada en un hecho real. El Tercer Premiu fue para La paciencia del cazador de Kiko y Javier Prada. El Cuarto Puesto para Peones de Benjamín Villaverde y el Quinto para Anita de Alicia Presencio.

El Premiu a la Meyor Película fue para Desire Street (Calle Deseo) de los realizadores Roberto Canuto y Xu Xiaoxi rodada en California que trata con gran maestría técnica y con un buen tratamiento del guion sobre el choque generacional y los conflictos sexuales y familiares de una sociedad multiétnica. El Meyor Actor fue parra el actor asturiano Fernando Martínez por su papel protagonista en la película Bernabé, de Pablo CaNi jing/No robarás.

El Premiu d’Honor 2014 fue para el director y guionista Javier Maqua (Madrid, 1945), realizador de series de televisión y películas como Tú estás loco briones (1980), Chevrolet (1991), Carne de gallina (2002) y docudramas como Apuntarse a un bombardeo (2003).

A la Gala de Entrega de Premios acudieron además personalidades del mundo del cine como Alfonso Vallejo, Isabel Ordaz, Javier Almeda, David Blanka, Victre Tretas, Esteban Franqui, Borja Luna, Luis Fernández, Rai García, Loles Alonso, Mary Chely Fernández o Ana Menéndez entre muchos otros más artistas e invitados.



NOMINAOS A LOS PREMIOS 9 FESTIVAL DE CINE ASTURIANU

Ésti ye'l mio regalu pa los nuevos reis d'Hespaña. Pa que s'alcuerden de quién són los marxinaos.

Ésti ye'l mio regalu pa los nuevos reis d'Hespaña. Pa que s'alcuerden de quién són los marxinaos.