Les fiestes del 1 d'agostu nes Asturies
Xaviel Vilareyo
Tolos primeros díes d'agostu la ciudá llugona de Llugones, celebra'l so día grande, el Llugnasad o fiesta n'homenaxe al dios Llug, del que toma'l so nome. El día grande de Llug cristianizóse baxo l'advocación de San Félix, santu patrón de Llugones en sustitución sincrética del dios Llug. Esti santu tamién fai fiesta el primeru d'agostu notres villes asturianes como Candás. Les fiestes patronales del Llugnasad de Llugones o San Félix conócense tamién como d'El Carbayu, árbol sagráu de la nación llugona que la ilesia católica asoció tamién, como nun podía ser menos nuna tierra de tradición santoral mariana o femenina como Les Asturies a una virxe, nesti casu de Llugones a la del Buen Sucesu. Aneru y Llangre, n'Asturies de Tresmiera, festeyen tamién a San Félix el primer día d'agostu onde se caltién nesti segundu topónimu una posible afinidá ente los términos LLugn - Llang. N'Asturies de Santiyana San Felices de Buelna festeya igualmente a San Félix nesti día.El pueblu llugón de Llugo de Llanera tamién festeya n'agostu a la virxe. Llugás, en Villaviciosa festeya pel so llau a Santa María en Setiembre.
Abondos actos tán preparaos pa cellebrar en Llugones esti día de Llugnasad dedicáu a Llug-San Félix no que ye un testimoniu vivu del pasáu de celebración de la nación llugona tolos primeros d'agostu, como día grande de Llugonia, de los llugones, esto ye de tolos pueblos qu'adoren a Llug espardíos nun ámbitu que diba del ríu Eo al ríu Asón, onde ta documentada la importancia del cultu a Llug.
Llug nun ye'l dios supremu, sinón un dios ensin función porque tien toles funciones. Ye Samildanach o el múltiple artesanu de la mitoloxía celta, non solamente porque ta na cume de la xerarquía, sinón tamién porque ye pancélticu: ye una d'eses rares divinidaes que, polo que sabemos de los pueblos celtes, podemos alcontrar en tolos panteones. Tamién algunos estudiosos postulen que ye homólogu al dios nórdicu Loki, pol asemeyu ente los nomes y fechos como la muerte de Balder equivalente al güelu Balar de Llug, ente otres coses. En realidá Llug ye un dios pancélticu, presente en tolos territorios.
Abondos actos tán preparaos pa cellebrar en Llugones esti día de Llugnasad dedicáu a Llug-San Félix no que ye un testimoniu vivu del pasáu de celebración de la nación llugona tolos primeros d'agostu, como día grande de Llugonia, de los llugones, esto ye de tolos pueblos qu'adoren a Llug espardíos nun ámbitu que diba del ríu Eo al ríu Asón, onde ta documentada la importancia del cultu a Llug.
Llug nun ye'l dios supremu, sinón un dios ensin función porque tien toles funciones. Ye Samildanach o el múltiple artesanu de la mitoloxía celta, non solamente porque ta na cume de la xerarquía, sinón tamién porque ye pancélticu: ye una d'eses rares divinidaes que, polo que sabemos de los pueblos celtes, podemos alcontrar en tolos panteones. Tamién algunos estudiosos postulen que ye homólogu al dios nórdicu Loki, pol asemeyu ente los nomes y fechos como la muerte de Balder equivalente al güelu Balar de Llug, ente otres coses. En realidá Llug ye un dios pancélticu, presente en tolos territorios.
La importancia de Llug n'Europa ta especialmente atestiguada pola cantidá de topónimos, del que'l más conocíu ye Lugdunum o fortaleza de Lugus, nome vieyu de la ciudá de Lyon. Nel país de Gales nómase Llew Llawgyffes («el de la mano diestra»), apaeciendo na lliteratura nos rellatos de los «Mabinogion».
Nes fontes irlandeses ye onde se trató con mayor amplitú, en particular nel «Cath Maighe Tuireadh» (la Batalla de Mag Tured). Anguañu, Llug tá presente na fiesta del 1 de agostu nes Asturies: Lugnasad (Lûnasa en grafía moderna); el Lugnasad ye actualmente recordáu na ciudá de Lugo, con una fiesta qu'incluye una comida y bodes "celtes" celebraes na biesca por modernes versiones de los antiguos Druides y nes Asturies cristianizada en forma de fiesta patronal como San Félix en Llugones, Candás, Llangre, San Felices de Buelna y Aneru como quedó dicho enantes.
Nes fontes irlandeses ye onde se trató con mayor amplitú, en particular nel «Cath Maighe Tuireadh» (la Batalla de Mag Tured). Anguañu, Llug tá presente na fiesta del 1 de agostu nes Asturies: Lugnasad (Lûnasa en grafía moderna); el Lugnasad ye actualmente recordáu na ciudá de Lugo, con una fiesta qu'incluye una comida y bodes "celtes" celebraes na biesca por modernes versiones de los antiguos Druides y nes Asturies cristianizada en forma de fiesta patronal como San Félix en Llugones, Candás, Llangre, San Felices de Buelna y Aneru como quedó dicho enantes.
Nel pueblu de Llugás en Villaviciosa hasta nun hai muncho, el cura de la parroquía daba la misa subíu al texu allugáu na pequena biesca xunta la Ilesia de Santa María. Llugo de Llanera, Lluarca o Londres tamién lleven el nome d'esti dios supremu del sol, representáu como'l dios del truenu y portando na mano un fexe de rayos, asimiláu col Xúpiter Candamiu del panteón romanu col que se-y solía reinterpretar nel sincretismu posterior a les conquistes de César, Augustu y Claudiu nel continentu européu.
No hay comentarios:
Publicar un comentario