La comunidá en materia de montes ye una de les formes más peculiares de propiedá xermánica que podemos atopar n’Asturies. Una clas de propiedá comunal son los montes vecinales en manocomún, que con independencia de los montes propios, comunales y de particulares, regulaos poles lleis alministratives, defínense comu montes de los vecinos d’una Parroquia, pueblu o núcleu de población a los que pertenecen de forma mancomunada y que tradicionalemente asina los vienen esfrutando. Esta institución ancestral tien por oxetu la esplotación comunitaria directa de la tierra, en concreto de los terrenos forestales. La propiedá de los montes vecinales ye patrimoniu común de tolos vecinos comu condóminos mancomunaos. Los montes vecinales son pola so esencia bienes indixebrables, inalienables, imprescriptibles y inembargables, esto ye, nun se pueden partir, enayenar o gravar, estinguise o adquirise la propiedá por causa del tiempu nin ser oxetu d’embargu. Tienen derechu a esfrutalos tolos que tengan la vecindá civil na Parroquia, aldea o llugar que tradicionalmente poseyeren estos terrenos. Nesti puntu ye importante partir d’un conceptu axeitáu de la vecindá civil que na costume vien
determinada pol asentamientu efectivu y non pola mera vecindá alministrativa.
La esplotación de los montes vecinales exércese de diverses formes, bien en comunidá xermánica ensin atribución de cuotes con carácter indivisible o bien con asignación de lotes o “suertes” con una adscripción temporal de parceles de terrén o de trozos concretos y siempre con carácter temporal hasta nueva distribución o repartu d’aprovechamientu.
Yá dende los años cuarenta l’alminstración central del Estáu foi desvirtuando formalmente y na práctica esta institución de tipu priváu y secular d’Asturies, al pretender vincular los montes vecinales a l’Alministración, intentando camudar lo que yera y ye una propiedá privada colectiva notru tipu de dominiu cuasi públicu. Destamiente, los Conceyos o Ayuntamientos a los que los vecinos pertenecíen entamaron a asimilar estos montes colos del recién creáu “Patrimonio forestal del Estado” y a rexistralos comu propiedá municipal regulando llueu tolo referente al so aprovechamientu y privando asina a los vecinos del so usu y esfrute tradicional. A partir d’entós los enfrentamientos ente los vecinos afectaos y los Ayuntamientos respectivos comenzaron un procesu de litiguios y conflictos d’intereses qu’inda nun ta resueltu xurídicamente dafechu yá que la participación de los Ayuntamientos nel usu, xestión, esplotación , reglamentación y facultaes sobre los montes vecinales nun ta del too claro.
Anguañu munchos d’estos montes tanse reclasificando polos Xuraos de Montes comu
vecinales a favor de los sos tradicionales dueños, los vecinos y devolviéndo-yos asina una propiedá privada ancestral intentando na midida lo posible reparar les inxusticies cometíes contra aquéllos que se vieren privaos del so derechu.
De toes formes comu se señaló enantes, la participación y vinculación potestativa de los Conceyos na esplotación o usu de los montes vecinales ofrez munches ambigüedaes que podríen orixinar arbitrariedaes, polo que la regulación de la comunidá en materia de montes ye ún de los capítulos qu’habrá merecer especial atención dientru d’una futura Compilación del Derechu civil asturianu, según establez l’artículu 16 del Estatutu d’Autonomía p’Asturies del añu 1981.
determinada pol asentamientu efectivu y non pola mera vecindá alministrativa.
La esplotación de los montes vecinales exércese de diverses formes, bien en comunidá xermánica ensin atribución de cuotes con carácter indivisible o bien con asignación de lotes o “suertes” con una adscripción temporal de parceles de terrén o de trozos concretos y siempre con carácter temporal hasta nueva distribución o repartu d’aprovechamientu.
Yá dende los años cuarenta l’alminstración central del Estáu foi desvirtuando formalmente y na práctica esta institución de tipu priváu y secular d’Asturies, al pretender vincular los montes vecinales a l’Alministración, intentando camudar lo que yera y ye una propiedá privada colectiva notru tipu de dominiu cuasi públicu. Destamiente, los Conceyos o Ayuntamientos a los que los vecinos pertenecíen entamaron a asimilar estos montes colos del recién creáu “Patrimonio forestal del Estado” y a rexistralos comu propiedá municipal regulando llueu tolo referente al so aprovechamientu y privando asina a los vecinos del so usu y esfrute tradicional. A partir d’entós los enfrentamientos ente los vecinos afectaos y los Ayuntamientos respectivos comenzaron un procesu de litiguios y conflictos d’intereses qu’inda nun ta resueltu xurídicamente dafechu yá que la participación de los Ayuntamientos nel usu, xestión, esplotación , reglamentación y facultaes sobre los montes vecinales nun ta del too claro.
Anguañu munchos d’estos montes tanse reclasificando polos Xuraos de Montes comu
vecinales a favor de los sos tradicionales dueños, los vecinos y devolviéndo-yos asina una propiedá privada ancestral intentando na midida lo posible reparar les inxusticies cometíes contra aquéllos que se vieren privaos del so derechu.
De toes formes comu se señaló enantes, la participación y vinculación potestativa de los Conceyos na esplotación o usu de los montes vecinales ofrez munches ambigüedaes que podríen orixinar arbitrariedaes, polo que la regulación de la comunidá en materia de montes ye ún de los capítulos qu’habrá merecer especial atención dientru d’una futura Compilación del Derechu civil asturianu, según establez l’artículu 16 del Estatutu d’Autonomía p’Asturies del añu 1981.
Otru tipu de propiedá comunal ye la nomada propiedá a monte y villa, que ye más bien una copropiedá de tipu romanu con atribución de cuotes a cada condueñu y que comprende tanto terrenos incultos o viesques comu cultivaos. La propiedá xermánica foi desvirtuándose según se diben faciendo zarros o acutamientos nos terrenos pal so cultivu y adquiriéndose propiedaes privatives mediante usucapión pero la propiedá mancomunada podía caltenese sobre los terrenos incultos.
Los llamaos términos bravos y los términos vareables son más bien una propiedá comunal de tipu romanu con división de cuotes y derechu de disposición, tresmisión o tráficu xurídicu normal pa caúna de les porciones de dominiu.
Otros derechos y aprovechamientos comunales
Nel Derechu civil asturianu atopamos con otres figures que tienen comu nexu de xuntura la idea del aprovechamientu mancomunáu y usu colectivu de bienes o de derechos.
La facería, nesti sentíu ye una mancomunidá de derechu recíprocu d’aprovechamientu de términos comunes especialmente de pastos que s’establez ente pueblos comarcaos o limítrofes.
La derrota o alzamientu del cotu ye una especie de derechu comunal pol que se permitía al ganáu pacer llibremente en terrenos depués de recoyer la collecha. La función de la derrota ye l’aprovechamientu al másimu de los pastos o nicios de colleches y tamién una forma natural y ecolóxica de cuchar les tierres. Esclúyense del derechu de derrota los terrenos dedicaos a cultivos intensivos nos que se puea causar estrozu.
Asemeyaes a la derota son les marmes y les morteres onde esiste un derechu colectivu de pastos en segando les finques anque a cambiu d’una contraprestación personal consistente na obligación por parte de los vecinos beneficiarios de curiar y iguar sebes y portielles nes finques.
La presura foi un vieyu sistema de colonización y apropiación de tieres ermes mediante toma de posesión y ocupación efectiva mediante cultivu (escaliu). La intención de dominiu sobre estes tierres materializó col pasu’l tiempu propiedaes privatives individuales que s’algamaben pol usu continuáu o usucapión. A pesar d’ello la costume d’aprovechar estes tierres mediante derrotes y otres servidumbres o usos colectivos siguió mui viva nel país.
El derechu de poznera ye otru usu comunitariu definíu comu un derechu de los vecinos a llantar, poseer y usufructar árboles, especialmente frutales, en tierres comunales marcando cada llantador los sos tueros con una señal propia. Esti derechu antigu asturianu tien antecedentes nos arbora signata del Derechu romanu, norma que vien recoyida nel propiu Fueru Xulgu. La naturaleza xurídica de la poznera ye estraña o polo menos difícil de clasificar yá que la propiedá de cada llantador sobre l’árbol ye indiscutible anque ésti nun tenga la propiedá del suelu. Según el Derechu romanu la propiedá del suelu llevaba empareyada indisociablemente la propiedá de tolo que nél se llante, eleve o medre. La poznera asturiana sedría más qu’ una escepción a esti principiu
La facería, nesti sentíu ye una mancomunidá de derechu recíprocu d’aprovechamientu de términos comunes especialmente de pastos que s’establez ente pueblos comarcaos o limítrofes.
La derrota o alzamientu del cotu ye una especie de derechu comunal pol que se permitía al ganáu pacer llibremente en terrenos depués de recoyer la collecha. La función de la derrota ye l’aprovechamientu al másimu de los pastos o nicios de colleches y tamién una forma natural y ecolóxica de cuchar les tierres. Esclúyense del derechu de derrota los terrenos dedicaos a cultivos intensivos nos que se puea causar estrozu.
Asemeyaes a la derota son les marmes y les morteres onde esiste un derechu colectivu de pastos en segando les finques anque a cambiu d’una contraprestación personal consistente na obligación por parte de los vecinos beneficiarios de curiar y iguar sebes y portielles nes finques.
La presura foi un vieyu sistema de colonización y apropiación de tieres ermes mediante toma de posesión y ocupación efectiva mediante cultivu (escaliu). La intención de dominiu sobre estes tierres materializó col pasu’l tiempu propiedaes privatives individuales que s’algamaben pol usu continuáu o usucapión. A pesar d’ello la costume d’aprovechar estes tierres mediante derrotes y otres servidumbres o usos colectivos siguió mui viva nel país.
El derechu de poznera ye otru usu comunitariu definíu comu un derechu de los vecinos a llantar, poseer y usufructar árboles, especialmente frutales, en tierres comunales marcando cada llantador los sos tueros con una señal propia. Esti derechu antigu asturianu tien antecedentes nos arbora signata del Derechu romanu, norma que vien recoyida nel propiu Fueru Xulgu. La naturaleza xurídica de la poznera ye estraña o polo menos difícil de clasificar yá que la propiedá de cada llantador sobre l’árbol ye indiscutible anque ésti nun tenga la propiedá del suelu. Según el Derechu romanu la propiedá del suelu llevaba empareyada indisociablemente la propiedá de tolo que nél se llante, eleve o medre. La poznera asturiana sedría más qu’ una escepción a esti principiu
una forma de propiedá típicamente xermánica onde s’estrema ente la propiedá del suelu per un llau y la propiedá del vuelu o lo que de la propia finca surda o medre. Una modalidá similar a la poznera asturiana recuéyela la Compilación del Derechu civil foral de Navarra de 1973.
La pía o gandaya ye un aprovechamientu colectivu definíu comu’l derechu de recoyida y apropiación de frutos que naturalmente amiyaren d’arbol allugáu en terrén comunal. Inclúyese polo tanto a los árboles llantaos por derechu de poznera. Nun ta claro si esti derechu pertenez a los usufructuarios o propietarios estrictos del terrén comunal o si ye un derechu xeneral.
Otra posible modalidá de propiedá comunal ye la que se refier a la recoyida del ocle o ouca que regulada pola nomada llei da Ribeira da a entender que l’ocle ye un bien de propiedá vecinal más que de tipu Alministrativu o públicu y que polo tanto nun tien la consideración de ser una res nullius o cosa ensin dueñu.
La costume de la vecera, espardida tamién per tierres de Lleón, ye una forma peculiar d’asociación y cooperación pal aprovechamientu directu de los pastos comunales exerciendo de manera asociada la esplotación pecuaria. Esti asociacionismu estiéndese a otres facetes comu la producción o venta mancomunada de productos y culmina incluso cola constitución d’instituciones procesales pa la resolución de tou tipu de litiguios por mediu de sentencies d’arbitriu (comu ye’l casu de la conocida Xunta de Gobiendes).
La pía o gandaya ye un aprovechamientu colectivu definíu comu’l derechu de recoyida y apropiación de frutos que naturalmente amiyaren d’arbol allugáu en terrén comunal. Inclúyese polo tanto a los árboles llantaos por derechu de poznera. Nun ta claro si esti derechu pertenez a los usufructuarios o propietarios estrictos del terrén comunal o si ye un derechu xeneral.
Otra posible modalidá de propiedá comunal ye la que se refier a la recoyida del ocle o ouca que regulada pola nomada llei da Ribeira da a entender que l’ocle ye un bien de propiedá vecinal más que de tipu Alministrativu o públicu y que polo tanto nun tien la consideración de ser una res nullius o cosa ensin dueñu.
La costume de la vecera, espardida tamién per tierres de Lleón, ye una forma peculiar d’asociación y cooperación pal aprovechamientu directu de los pastos comunales exerciendo de manera asociada la esplotación pecuaria. Esti asociacionismu estiéndese a otres facetes comu la producción o venta mancomunada de productos y culmina incluso cola constitución d’instituciones procesales pa la resolución de tou tipu de litiguios por mediu de sentencies d’arbitriu (comu ye’l casu de la conocida Xunta de Gobiendes).
Por último, sólo mentar que la Compilación civil gallega regula otres formes especiales de comunidá comu son la comunidá en materia d’agües, la comunidá de muries o sebes, y otres comunidaes comu la de molinos o preseos agrícoles.
No hay comentarios:
Publicar un comentario