La invención de lo folclórico en Les Asturies

La llamada "danza de Ibio" nun ye sinón una coreografía inventada por una aficionada al folclor llamada Matilde de la Torre nos años 1930. La invención consiste en dar saltinos homes y muyeres xuníos per unos palos al són d'una música repetitiva y machacona. El resultáu coreográficu semeya más una danza africana qu'un baille tradicional de Les Asturies de Santiyana, onde s'alcuentra'l pueblu d'Ibio nel conceyu de Mazcuerras. Dende entós inda hai grupos folclóricos que siguen baillando esta representación pretendiendo pasala por una danza tradicional o antigua, cuando nun ye asina. Unu de los que lo siguen faciendo ye la prestixosa formación "Coros y Danzas de Santander" que si quier caltener el so prestixu nel folclor d'Asturies de Santiyana habría separar lo ciertu de lo falsu, lo folclóricu de lo inventáu. Si quieren seguir siendo un grupu folk de prestixu ¿por qué entós siguen baillando esa "danza de Ibio"?

Feliz Día de les Lletres Asturianes 2014

Del Eo al Asón ; nuevu llibru de Xaviel Vilareyo

Del Eo al Asón, nuevu llibru de Xaviel Vilareyo

Del Eo al Asón (Les fueyes marielles) ye una recopilación de poemes de Xaviel Vilareyo publicaos en diferentes revistes dende l’añu 1996 cuando publicó la so primer poesía nes páxines de la revista universitaria Pretexto. Amás tien publicao nes revistes Zimbru, Reloj de Arena, Sietestrellu, Lliteratura, El Signo del Gorrión , Isla Desnuda, Amilamia, Calicanto, Poesía Toda, Estío, El Vendedor de Pararrayos, Texturas, y tamién n’ abondes collaboraciones en revistes y periódicos. De toes estes publicaciones destaca una sobremanera, la revista Lletres Asturianes editada pola Academia de la Llingua Asturiana. Elsotítulu d’esti nuevu poemariu recopilatoriu de Xaviel Vilareyo (Les fueyes marielles) alude a les páxines d’esta vieya revista lliteraria na que vien publicando toos estos años xunto con otros autores de la so xeneración lliteraria, la Xeneración del Compromisu (1967-1982). La poesía de Xaviel Vilareyo va evolucionando nestos quince años dende la introspección hacia una escritura más vinculada y comprometida hacia la reivindicación de lo colectivo, incluso de la poesía popular, ensin dexar nunca al marxe la reivindicación de lo estético y de lo novedoso.

Xaviel Vilareyo (Mieres del Camín, 1967) recibió los premios de poesía Vila de Sarria 1997 (Os novos poemas) y Elvira Castañón 1999 (El camín d’inquietú). Diose a conocer gracies a una Mención Especial del Premiu Asturies Xoven 1995 (Cróniques del recuerdu) y recibió amás otros premios lliterarios como el Valentín Andrés 1997, el Premiu Xeira 1998 y el Premiu de Teatru de l’Academia 2009. Xaviel Vilareyo asoleyó en 1998 el so Manifiestu sobre la poesía ética, nes páxines de la desapaecía revista El canciu’l Cuélebre, onde reivindica una poesía asturiana de raigañu comprometica cola cultura propia y cola tierra que pisa, enllena d’intencionalidá comunicativa, un paraísu éticu que defienda penriba de tou l’actitú valiente del escritor, la so irreverencia nel despertar de les conciencies, recuperando la tradicional y ancestral función del poeta como estandarte identitariu de les aspiraciones colectives.

"Del Eo al Asón" (Las fueyes marielles) Ed trabe, 2014, pue mercase na llibrería Ojanguren d'Uviéu al preciu de 6 euros.

Feliz Selmana de les Lletres Asturianes