El Derechu xermánicu: antecedentes hestóricos na nuestra península
El Derechu xermánicu engloba tol conxuntu de normes y usos y costumes xurídiques propios de los pueblos xermanos indoeuropeos. El procesu de formación y desenrollu del Derechu xermánicu manifiéstase a lo llargo de más de tresmil años culminando a fines del sieglu IV antes que la presión sobre les fronteres de Roma y el contactu con otres sociedaes romanizaes o cola mesma cultura romana llevara a los pueblos xermanos a una cierta asimilación o mestizaxe cultural. Ello fizo que munchos pueblos xermanos adoptaren dos de les manifestaciones más importantes de la cultura romana comu yeren l’alfabetu y el Derechu de Roma.
El conocimientu de la vida xurídica de los xermanos comienza a través de los datos aportaos por Xulio César y por Tácito pa les époques más antigúes y principalmente pela normativa llegal promulgada y la documentación xurídica de los reinos xermánicos o bárbaros nos que s’esgaya l’imperiu romanu occidental dende’l sieglu V. Ún d’estos pueblos xermánicos ye la nación sueva, a la que Tácito na so obra Xermania, dedica una especial atención y otru reinu, el de los Visigodos tamién s’estableció na península Ibérica dende’l sieglu V. Estos dos pueblos remanecieron comu entes políticos estremaos hasta l’añu 585 cuandu’l rei visigodu Leovixildo los xune baxo’l mesmu poder.
Leovixildo, siguiendo a otros reis anteriores a él, promulgó un códigu de lleis revisando en ciertu sentíu los d’Eurico y Teodorico del que nun conocemos exemplar dalgún.
Nel añu 654, Recesvinto publicó ,depués de revisada pol Conciliu VIII de Toledo, la más
importante obra del Derechu xermánicu hispanu: el Liber Iudiciorum o Fueru Xulgu.
Leovixildo, siguiendo a otros reis anteriores a él, promulgó un códigu de lleis revisando en ciertu sentíu los d’Eurico y Teodorico del que nun conocemos exemplar dalgún.
Nel añu 654, Recesvinto publicó ,depués de revisada pol Conciliu VIII de Toledo, la más
importante obra del Derechu xermánicu hispanu: el Liber Iudiciorum o Fueru Xulgu.
El Liber ye una recopilación de lleis promulgaes hasta’l 654 polos reis visigodos, y anque nél predomina la influencia de la tradición xurídica romana, consérvense instituciones de raigame estrictamente xermánica. El Liber tuvo dos revisiones oficiales posteriores pero tamién foi oxetu d’alteraciones por xuristes anónimos. Frutu d’estes alteraciones ye la versión “vulgata” del Liber, escrita yá en romance que de xuru foi la más difundida. El Fueru Xulgu tuvo vixencia en tola Edá Media inclusu depués de la invasión islámica, especialmente dientru del naciente Reinu d’Asturies, yá que sin dulda, el Fueru Xulgu foi la más importante obra del Derechu escritu visigodu.
- 1 -
La propiedá colectiva nel Derechu romanu
El conceptu de propiedá comunitaria indivisa conozse tamién comu propiedá xermánica
al ser esti un tipu de dominiu característicu del Derechu de los antiguos pueblos xermánicos.
Sin embargo, les diverses formes comunales de manifestación o exerciciu de la propiedá nun
tuvieron bona tradición xurídica nel Derechu romanu que sólo reconocía formes concretes de propiedá más compartida que comunal comu yeren el condominiu o el consorciu. En xeneral el Derechu romanu concebía la copropiedá comu un conxuntu o amestadura de propiedaes parciales y comu una situación polo tanto inestable que se podía solucionar por mediu de la voluntá de los copropietarios.
al ser esti un tipu de dominiu característicu del Derechu de los antiguos pueblos xermánicos.
Sin embargo, les diverses formes comunales de manifestación o exerciciu de la propiedá nun
tuvieron bona tradición xurídica nel Derechu romanu que sólo reconocía formes concretes de propiedá más compartida que comunal comu yeren el condominiu o el consorciu. En xeneral el Derechu romanu concebía la copropiedá comu un conxuntu o amestadura de propiedaes parciales y comu una situación polo tanto inestable que se podía solucionar por mediu de la voluntá de los copropietarios.
Esta negación conceptual de la propiedá colectiva qu’establez el Derechu romanu especialmente a través de los primeros xuristes xustinianeos alviértese inclusu nel propiu modu d’accesu a ella. Asina, el condominiu podía orixinase pola voluntá de los propietarios en xuntar les sos propiedaes o bien por circunstancies ayenes a la voluntá d’ellos comu por exemplu que la cosa común se legara conxuntamente a dos o más persones.
Los xuristes romanos entendíen que la cosa común alcontrábase idealmente dixebrada en tantes porciones comu copropietarios tuviere y que’l derechu de partición de la cosa común
podía solicitase por cualquiera de los condóminos.
podía solicitase por cualquiera de los condóminos.
La propiedá del Derechu de Roma entendíase básicamente comu un derechu individual y esclusivu. La copropiedá polo tanto, al concebise comu una suma de propiedaes individuales, nun esistía comu tal y lo que se noma asina son en realidá unos derechos abstractos establecíos pa dar respuesta a situaciones colectives de dominiu que se daben na práctica. Según un principiu romanu, nun ye posible la esistencia d’una propiedá exercida por varios individuos sobre una mesma cosa, o según palabres de Celso: duorum in solidum dominium esse non potest.
La primer figura de condominiu que reconoz el Derechu romanu ye’l consortium inter fratres o consorciu ente hermanos establecíu en morriendo’l pater sobre una comunidá universal de bienes heredaos. Nun principiu, el consorciu yera una propiedá indivisa más al estilu xermánicu onde too pertenez a toos y el poder de disposición sobre la cosa sólo se ve limitáu pol derechu del otru condóminu a prohibí-ylu. Sin embargo, el réxime del consorciu nun esiste yá na época clásica (períodos republicanu y primer dómina imperial) onde predomina yá el réxime d’exercer el dominiu a instancia de parte: cada condóminu pue disponer con llibertá de la so cuota abstracta enayenándola o gravándola. Los frutos orixinaos durante la situación de condominiu fainse tamién comunes pero siempre en proporción a cada cuota de propiedá.
Considerada la communio o propiedá en común comu un estáu transitoriu, puesto que se consideraben nulos los pautos fechos pa establecer condomimios a perpetuidá, cada sociu o dominus pue pidir en cualquier momentu la partición de la cosa común mediante la actio communi dividundo. Si la cosa ye físicamente dixebrable el xuez adxudica a cada dueñu una porción y si ye indixebrable, viéndese a un terceru repartiendo llueu el preciu o bien adxudícase a unu de los condóminos, condergándolu a pagar a los demás la suma de dineru equivalente a cada cuota.
La dialéctica ente los Derechos xermánicu y romanu
Consideramos comu puntu de partida que la discusión sobre una posible confrontación ente’l Derechu xermánicu y el romanu pue dar llugar a conclusiones ermes de conteníu especialmente si enfocamos la cuestión nes fontes de producción normativa. Si bien suel identificase el Derechu xermánicu comu un ordenamientu básicamente orixináu y manifestáu a través de normes consuetudinaries y per otru llau contraponiéndolo al Derechu romanu de tipu más formalista y llegal, nun ye ésti l’aspectu principal nesta dialéctica, y ello porque les fontes de producción o manifestación del Derechu de tipu consuetudinariu per un llau o bien otorgáu por escritu dende xefatura rexia mediante llei danse por igual nos dos sistemes xurídicos. D’otra banda, los dos Derechos convivieron n’Europa compartiendo espaciu y influencies y si bien el Derechu romanu, comu la cultura de Roma, terminó adoptándose polos propios pueblos xermanos, lo cierto ye qu’Europa esperimentó un procesu llargu y lentu de mestizaxe cultural de tou tipu. Si bien los pueblos xermanos fueron asimilando el Derechu romanu o la llingua comu instrumentos propios ye tamién cierto que’l Derechu de Roma foi perdiendo parte de la so pureza y evolucionando acordies cola idiosincraisa de los pueblos o de los reinos xermánicos nos que se desenrollaba y amestándose coles nueves filosofíes cristianes o teocrátiques que predominaben na Europa medieval.
La península Ibérica, sobremanera la Hispania citerior, foi ún de los espacios más fuertemente romanizaos tanto llingüística comu xurídicamente, calteniendo esta característica inclusu durante y depués de la etapa de dominiu islámicu. Sin embargo, na Alta Edá Media produzse una tendencia xeneralizada en tierres ibériques hacia un resurdimientu del Derechu consuetudinariu xermánicu. Dellos autores, ente ellos, Claudio Sánchez Albornoz, Pérez Prendes, Ficker y Hinojosa, desenrollaron teoríes pa desplicar lo qu’ellos consideraben fonda xermanización del Derechu consuetudinariu ibéricu na Alta Edá Media. L’estrechu parentescu de delles instituciones civiles, penales y procesales coles d’un Derechu xermánicu específicu: el noruego-islándicu desplicábenlu comu resultáu de la mesma procedencia étnica xermano-escandinava de los pueblos xermánicos peninsulares. El Derechu consuetudinariu xermano-visigodu caltúvose paralelamente al so Derechu llegal escritu, sobreviviendo inclusu depués de la desaparición del Reinu visigodu durante los sieglos VIII al XII especialmente nos territorios non sometíos al Islám.
Otres teoríes afirmen que comu la Monarquía goda, mui romanizada, yera’l principal frenu pa la espansión del Derechu xermánicu consuetudinariu, ésti xorreció precisamente depués de la caída del reinu nel 711. A partir d’entós, suprimíu l’estáu godu, desenrollóse ensin torgues el Derechu consuetudinariu xermánicu naquellos territorios que comu’l Reinu d’Asturies vivieren más separtaos del poder toledanu y dende esta fecha abandonaos a la so suerte.
Nesti contestu naz el Regnum Asturorum o reinu de los ástures nel que’l so primer rex revístese con esi rangu y proclámase comu xefe territorial pola tropa armada, a la manera xermánica.
Otres teoríes afirmen que comu la Monarquía goda, mui romanizada, yera’l principal frenu pa la espansión del Derechu xermánicu consuetudinariu, ésti xorreció precisamente depués de la caída del reinu nel 711. A partir d’entós, suprimíu l’estáu godu, desenrollóse ensin torgues el Derechu consuetudinariu xermánicu naquellos territorios que comu’l Reinu d’Asturies vivieren más separtaos del poder toledanu y dende esta fecha abandonaos a la so suerte.
Nesti contestu naz el Regnum Asturorum o reinu de los ástures nel que’l so primer rex revístese con esi rangu y proclámase comu xefe territorial pola tropa armada, a la manera xermánica.
Distintes hipótesis traten de desplicar cómu’l Derechu consuetudinariu de raigame xermánica pudo sobrevivir y inclusu difundise nun estáu tan fuertemente romanizáu comu´l
visigodu n’España:
visigodu n’España:
En primer llugar, los visigodos, si bien yeren un pueblu d’orixe xermánicu, adoptaron una cultura fuertemente romanizada ente la que s’incluye una inmersión xeneral nel Derechu romanu. En segundu términu, anque oficialmente adoptaren el Derechu de Roma comu propiu, el pueblu del Reinu godu nun llegó a perder dafechu el so Derechu típicamente consuetudinariu y xermánicu. En tercer llugar, la esistencia d’un Derechu llegal romanizante en contraposición a un Derechu consuetudinariu de raigame xermana nun foi tan radical, especialmente nel pueblu visigodu, una nación yá avezada a los mestizaxes col gran imperiu
romanu. Por último, la pervivencia o el remanecer d’un acusáu xermanismu xurídicu na Alta Edá Media pue desplicase bien comu consecuencia del fin del estáu visigodu romanizante
nel que siempre esistía un Derechu xermánicu subyacente o solapáu o bien pol natural resurdimientu d’un Derechu consuetudinariu d’inspiración popular y de carácter ancestral.
romanu. Por último, la pervivencia o el remanecer d’un acusáu xermanismu xurídicu na Alta Edá Media pue desplicase bien comu consecuencia del fin del estáu visigodu romanizante
nel que siempre esistía un Derechu xermánicu subyacente o solapáu o bien pol natural resurdimientu d’un Derechu consuetudinariu d’inspiración popular y de carácter ancestral.
De toes formes, la contraposición ente un Derechu xermánicu de tipu consuetudinariu y un Derechu escritu parez incompatible al menos dende una visión actual, pero en realidá esta dialéctica nun debió ser tan radical dende los planteamientos xurídicos, económicos y sociales que se desendolcaben na dómina altomedieval del norte peninsular.
No hay comentarios:
Publicar un comentario