LLITERATURA PERIODÍSTICA
Y PERIODISMU LLITERARIU
Y PERIODISMU LLITERARIU
Xaviel Vilareyo y Villamil
Cuando la periodista y escritora Rosa Montero, n’alguna de les sos munches entrevistes a personaxes relevantes de l’actualidá, dedicaba párrafos enteros pa esplayase a gustu describiendo con inxeniosa güeyada les corbates o les cortines de los despachos de los ministros nun podía imaxinase el sustu que llevaría n’ enterándose de qu’algún críticu lliterariu pudiera atrevese a calificar el so trabayu como un subxéneru del presuntu nuevu periodismu femeninu.
Ciertamente les tópiques relaciones entre’l periodismu y la lliteratura siempre fueron.típicamente conflictives, cuasi dende la mesma orixe de la prensa escrita.. Si bien ye cierto que nel sieglu XVIII la palabra “lliteratura” significaba lo que güei entendemos como la cultura escrita en xeneral, independientemente de la so especialidá o temática, nun hai dulda que lo qu’anguañu comprendemos como lliteratura tien unes nidies relaciones col periodismu y cola prensa.
Periódicos y revistes sirvieron munches veces de calce d’espresión pa la lliteratura asturiana de la dómina de Xovellanos deica’l sieglu XX pasando per autores comu Cuesta, Villaverde, Gonzalez Rubín, Fabriciu, Usatorre, y tantos otros, incluyendo a los más actuales. La bayurosa industria periodística desarrollada n’Asturies durante tol sieglu XIX foi un bon escaparate pa munches obres que tuvieron na prensa el so primer llugar d’espublización y que precisamente llegaron al gran públicu colos mesmos efectos que caractericen al mediu que los acoyía: gran popularidá y rapidez de difusión, o seya, con un gran númberu inmediatu de lectores, lo que en cierta midida facilitaba a so vez dalgún vínculu de la lliteratura col restu de custiones, idees polítiques y sociales o simplemente con aspectos cotidianos o de l’actualidá.
Ciertamente les tópiques relaciones entre’l periodismu y la lliteratura siempre fueron.típicamente conflictives, cuasi dende la mesma orixe de la prensa escrita.. Si bien ye cierto que nel sieglu XVIII la palabra “lliteratura” significaba lo que güei entendemos como la cultura escrita en xeneral, independientemente de la so especialidá o temática, nun hai dulda que lo qu’anguañu comprendemos como lliteratura tien unes nidies relaciones col periodismu y cola prensa.
Periódicos y revistes sirvieron munches veces de calce d’espresión pa la lliteratura asturiana de la dómina de Xovellanos deica’l sieglu XX pasando per autores comu Cuesta, Villaverde, Gonzalez Rubín, Fabriciu, Usatorre, y tantos otros, incluyendo a los más actuales. La bayurosa industria periodística desarrollada n’Asturies durante tol sieglu XIX foi un bon escaparate pa munches obres que tuvieron na prensa el so primer llugar d’espublización y que precisamente llegaron al gran públicu colos mesmos efectos que caractericen al mediu que los acoyía: gran popularidá y rapidez de difusión, o seya, con un gran númberu inmediatu de lectores, lo que en cierta midida facilitaba a so vez dalgún vínculu de la lliteratura col restu de custiones, idees polítiques y sociales o simplemente con aspectos cotidianos o de l’actualidá.
El periódicu tamién foi un estímulu pa la creación, una vía algamable pa munchos que quizá nunca pudieren achisbar la posibilidá de publicar un llibru en solitariu o de ver recoyida la so obra nuna antoloxía de lliteratura bable de la época. Per otru llau el periódicu o les revistes d’información animaron a escribir n’asturianu a muncha xente que de nun ser destamiente quizá nunca hubieren pensao n’escribir, por sentise non especialmente preparaos o doctos pa poder llevar alantre la escritura d’un llibru enteru. La prensa foi nun cabe duldes una escuela d’escritores, un formientu pa lliteratos y pa la lliteratura asturiana, muncha de la que güei tamos precisamente revalorizando y redescubriendo. Los periódicos asturianos caracterizáronse siempre por ser unos medios chapicaos de contino de lliteratura.
Lliteratura versus periodismu
Quixera esta vuelta referime al vieyu discutiniu sobre les semeyances y estremancies entre la lliteratura y el periodismu, que nel casu de la lliteratura asturiana quiciabes resulte una temática más nueva que añeya. Pa dalgunos, lliteratura y periodismu traten d’ámbitos dafecho diferenciaos y con fines diverxentes; pa otros, el periodismu ye secuela o escuela de la otra; y tamién hai el que opina que en realidá son dos campos dixebraos que n’algunes ocasiones tienen embelgues en comuña.
Si tratáremos de definir qué significa anguañu el periodismu diríemos qu’esti ye un llabor que s’encarga de desplicar polo xeneral fechos pasaos na realidá con unos especiales matices que vienen daos pol propiu mediu y que s’integren dientro d’unos instrumentos que dan a los acontecimientos más recientes y nos más cortos y regulares períodos de tiempu la más amplia difusión. El periodismu céntrase na noticia o no noticiable, na información d’actualidá y na veracidá. Los sos fines son específicamente informativos o orientadores anque tamién pueden ser conformadores d’opinión.
Quixera esta vuelta referime al vieyu discutiniu sobre les semeyances y estremancies entre la lliteratura y el periodismu, que nel casu de la lliteratura asturiana quiciabes resulte una temática más nueva que añeya. Pa dalgunos, lliteratura y periodismu traten d’ámbitos dafecho diferenciaos y con fines diverxentes; pa otros, el periodismu ye secuela o escuela de la otra; y tamién hai el que opina que en realidá son dos campos dixebraos que n’algunes ocasiones tienen embelgues en comuña.
Si tratáremos de definir qué significa anguañu el periodismu diríemos qu’esti ye un llabor que s’encarga de desplicar polo xeneral fechos pasaos na realidá con unos especiales matices que vienen daos pol propiu mediu y que s’integren dientro d’unos instrumentos que dan a los acontecimientos más recientes y nos más cortos y regulares períodos de tiempu la más amplia difusión. El periodismu céntrase na noticia o no noticiable, na información d’actualidá y na veracidá. Los sos fines son específicamente informativos o orientadores anque tamién pueden ser conformadores d’opinión.
Si bien ye cierto que nel periodismu esiste una técnica y un llinguaxe propiu y diferenciáu del estrictamente lliterariu nun ye menos cierto que los términos de “llinguaxe periodísticu” y “llinguaxe lliterariu” resulten güei demasiao amplios y borrinosos comu pa poder estremalos ensembre y según parámetros puramente estilísticos. L’únicu puntu claru de partida ye reconocer que’l periodismu nun ye lliteratura, anque cada vez más les confusiones entre unu y otra se manifiesten non yá na forma sinón inclusu nos conteníos. Y ye que’l periodista nun puede escribir como, y de lo que, -y dea pola gana, como sí lo puede facer el creador. El periodismu puede definise entós por oposición a la lliteratura, d’una manera tan llana como sería finxar los terrenos del escribanu y del escritor. El periodista nun ye un escritor porque nel so sentíu actual nin siquiera necesita de la escritura pa exercer el so oficiu. De toes formes la inter-relación esiste y ello porque escritores y periodistes comparten mancomunadamente un mesmu preséu como ye la llingua.
De fecho, periodismu y lliteratura nun pueden vivir en separtao. Los oríxenes de la prensa tan nel mundu de la lliteratura y de siempre los escritores llenaron de conteníu los periódicos hasta que la especialización de xéneros, funciones y estilos desllendó estos dos campos faciéndolos aparentemente incompatibles entre sí. Suel dicise que hai xéneros periodísticos como l’artículu, el comentariu, la crítica,( la ensayística), de carácter más marcadamente lliterariu, anque non ye menos cierto que cada vez más s’observen influencies lliteraries nos otros xéneros más típicamente periodísticos como nel reportaxe, nel documental, na crónica, na entrevista o incluso nel editorial. Nesti sentíu atreveríame dicir que al gran públicu d’anguañu y a los lectores interésen-yos cada vez menos les noticies, estimulándo-yos más cómo, y quién, -yos les cuenten. Nun hai qu’escaecer que vivimos nun mundu frivolizador nel qu’empieza a valorase lo ameno, lo orixinal, la visión personalista del acontecimientu, lo entretenío, sorprendente o emotivu que arrodia a les noticies, muncho más que lo veraz, lo neutral, lo imparcial y aséptico del fechu y del datu. Por ello surden cada día más periodistes que construyen los testos utilizando técniques trayíes de la novela al igual que munchos creadores se fabriquen los relatos a partir de los fechos o sucesos de la realidá noticiable.
Les diferencies entre’l periodismu y la lliteratura alcontrámosles perfectamente recalcaes notros parámetros:
- El tiempu ye clave nel llabor periodísticu. El periodista vese presionáu por condicionantes temporales inmediatos. La noticia fuera de tiempu nun ye novedá, ye hestoria. Un periodista nun puede pasase años escribiendo una noticia; un lliteratu, sí. Al escritor nun-y emburria el tiempu y si lo fai ye siempre nel so favor.
- El públicu del periódicu nun ye el públicu de los llibros. L’audiencia periodística ye más heteroxénea, más amplia y más heterodoxa. Al comprar un periódicu el lector puede incluso afrellase con comentaristes, escribientes o escritores que nun son del so gustu y que vienen toos xuntos nel mesmu preciu del exemplar. El lector de llibros en cambiu paga la pena y l’esfuerzu d’averase a un llibru a sabiendes d’él o polo menos sabiendo que l’autor nun-y desagrada. Polo tanto ye distinto escribir qu’ escribir nos periódicos y si nun se tien esto en cuenta caún tendrá que atenese a les consecuencies.
- Non sólo el tiempu sinón tamién l’espaciu temporal y dimensional condiciona la escritura periodística. El periodismu ye una xera efímera que naz y muerre cada xornada, en cada día y que amás tien de comprimise nuna parcela mínima y cuadriforme del terrén. Un trabayu por cuenta ayena, minifundista y intensivu. La lliteratura en cambiu ye una carrera nel espaciu dica nengures, un árbol que nun para de xorrecer al menos hasta que’l so dueñu escriba la palabra final.
- El lector de lliteratura nun se guía por necesidaes utilitaries o práctiques, ye un lector altruísta y entregáu que acepta toles posibles propuestes ensin esixir nada a cambiu. El comprador del periódicu adquier un serviciu y estrúyalu por completo, incluso puede usar y reciclar el papel si quier. Un lector de periódicu puede protestar d’él si nun atopa un día la so sección favorita o la farmacia de guardia abierta.
De fecho, periodismu y lliteratura nun pueden vivir en separtao. Los oríxenes de la prensa tan nel mundu de la lliteratura y de siempre los escritores llenaron de conteníu los periódicos hasta que la especialización de xéneros, funciones y estilos desllendó estos dos campos faciéndolos aparentemente incompatibles entre sí. Suel dicise que hai xéneros periodísticos como l’artículu, el comentariu, la crítica,( la ensayística), de carácter más marcadamente lliterariu, anque non ye menos cierto que cada vez más s’observen influencies lliteraries nos otros xéneros más típicamente periodísticos como nel reportaxe, nel documental, na crónica, na entrevista o incluso nel editorial. Nesti sentíu atreveríame dicir que al gran públicu d’anguañu y a los lectores interésen-yos cada vez menos les noticies, estimulándo-yos más cómo, y quién, -yos les cuenten. Nun hai qu’escaecer que vivimos nun mundu frivolizador nel qu’empieza a valorase lo ameno, lo orixinal, la visión personalista del acontecimientu, lo entretenío, sorprendente o emotivu que arrodia a les noticies, muncho más que lo veraz, lo neutral, lo imparcial y aséptico del fechu y del datu. Por ello surden cada día más periodistes que construyen los testos utilizando técniques trayíes de la novela al igual que munchos creadores se fabriquen los relatos a partir de los fechos o sucesos de la realidá noticiable.
Les diferencies entre’l periodismu y la lliteratura alcontrámosles perfectamente recalcaes notros parámetros:
- El tiempu ye clave nel llabor periodísticu. El periodista vese presionáu por condicionantes temporales inmediatos. La noticia fuera de tiempu nun ye novedá, ye hestoria. Un periodista nun puede pasase años escribiendo una noticia; un lliteratu, sí. Al escritor nun-y emburria el tiempu y si lo fai ye siempre nel so favor.
- El públicu del periódicu nun ye el públicu de los llibros. L’audiencia periodística ye más heteroxénea, más amplia y más heterodoxa. Al comprar un periódicu el lector puede incluso afrellase con comentaristes, escribientes o escritores que nun son del so gustu y que vienen toos xuntos nel mesmu preciu del exemplar. El lector de llibros en cambiu paga la pena y l’esfuerzu d’averase a un llibru a sabiendes d’él o polo menos sabiendo que l’autor nun-y desagrada. Polo tanto ye distinto escribir qu’ escribir nos periódicos y si nun se tien esto en cuenta caún tendrá que atenese a les consecuencies.
- Non sólo el tiempu sinón tamién l’espaciu temporal y dimensional condiciona la escritura periodística. El periodismu ye una xera efímera que naz y muerre cada xornada, en cada día y que amás tien de comprimise nuna parcela mínima y cuadriforme del terrén. Un trabayu por cuenta ayena, minifundista y intensivu. La lliteratura en cambiu ye una carrera nel espaciu dica nengures, un árbol que nun para de xorrecer al menos hasta que’l so dueñu escriba la palabra final.
- El lector de lliteratura nun se guía por necesidaes utilitaries o práctiques, ye un lector altruísta y entregáu que acepta toles posibles propuestes ensin esixir nada a cambiu. El comprador del periódicu adquier un serviciu y estrúyalu por completo, incluso puede usar y reciclar el papel si quier. Un lector de periódicu puede protestar d’él si nun atopa un día la so sección favorita o la farmacia de guardia abierta.
- L’averamientu a la lectura de prensa ye tamién diferente. Cada día reencomiéncense nuevos contactos colos periodistes mientres que col escritor se tien más tranquilidá y llibertá nel accesu.
- El periodista nun puede esperimentar col so oficiu, tien de facer qu’ésti seya siempre claru y algamable a munchos y mui diversos destinatarios, ufiertar una lectura fácil, amena y encima breve. Si falla nel so intentu, falla tamién tola empresa. L’escritor puede esperimentar, guiar y proponer nuevos y raros caminos y nun perder nin gota del so sueldu.
- La manera d’escribir en periódicos goza de menos soledá y llibertá que la escritura estrictamente lliteraria. Si l’escritor puede escoyer los temes, el periodista non, o si lo fai ye con condicionantes ayenos a él. El periodista trabaya más en comuña, n’equipu, sometíu a veces a llinies o pautes d’estilu, a normes de producción, a la eficacia, en solidaridá permanente cola empresa, más espuestu a les inclemencies del públicu, más sometíu a crítica y por ello tiende a autocontrolase más que l’escritor lliterariu.
- El periodista nun puede esperimentar col so oficiu, tien de facer qu’ésti seya siempre claru y algamable a munchos y mui diversos destinatarios, ufiertar una lectura fácil, amena y encima breve. Si falla nel so intentu, falla tamién tola empresa. L’escritor puede esperimentar, guiar y proponer nuevos y raros caminos y nun perder nin gota del so sueldu.
- La manera d’escribir en periódicos goza de menos soledá y llibertá que la escritura estrictamente lliteraria. Si l’escritor puede escoyer los temes, el periodista non, o si lo fai ye con condicionantes ayenos a él. El periodista trabaya más en comuña, n’equipu, sometíu a veces a llinies o pautes d’estilu, a normes de producción, a la eficacia, en solidaridá permanente cola empresa, más espuestu a les inclemencies del públicu, más sometíu a crítica y por ello tiende a autocontrolase más que l’escritor lliterariu.
Toos estos condicionantes del oficiu lleven a que la escritura periodística seya mui distinta a la escritura lliteraria, y ello determina que una mesma persona se desdoble manifiestándose unes veces como escritor y otres como escritor en prensa o como periodista.
Una nueva visión del periodismu y de la lliteratura
La converxencia ente’l periodismu y la lliteratura, o más bien ente los llinguaxes periodísticos y lliterarios bilta nos Estaos Uníos na década de los sesenta cuando yá triunfara y se consagrara ellí la lliteratura hiper-realista. Una lliteratura y un cine inspiraos na realidá ye sobremanera un caldu óptimu pal formientu d’un nuevu xéneru periodísticu que Tom Wolf nomara El nuevu periodismu, el periodismu lliterariu.
La característica definitoria d’esti tipu de periodismu ye la diverxencia del periodismu tradicional a base d’una invasión de recursos llitararios na escritura de prensa. El periodismu lliterariu más que informar pretende apasionar, comunicar emotivamente al lector mediante l’actualidá diaria. L’obxetivu ye interesar al públicu más que ponelu al día, utilizando pa ello detalles alrodiu los acontecimientos en llugar de centrar el mensaxe informativu na propia noticia, munches veces yá conocida previamente pol lector. El llinguaxe periodísticu polo tanto nun s’escapa tampoco a esta desobxetivización de la realidá y tiende a tresmitir meyor el discursu de los sentimientos, de les emociones o de les idees más que a comunicar amueses de noticies. Estos recursos estilísticos vienen usándose deliberadamente polos informadores tamién pa sorrayar la so actitú ética, la so visión ideolóxica, estética y política de la realidá, tomando partíu a través de la lliteratura y énte cada noticia. Actualmente asistimos a una desvalorización de la “obxetividá informativa” siendo utilizáu en munches ocasiones esti términu con matiz peyorativu. Los lectores asumen yá que tou testu periodísticu tien pasao, si lo pasa, por una subxetividá previa, la del inforador o redactor y pola so particular visión del acontecimientu. Nalgunos casos la obxetividá neutra de la información denota claramente una toma clara de posicionamientu. Los recursos lliterarios ayuden al periodista a presentar con mayor persuasión y convencimientu la visión del sucesu noticiable. Trátase de dar dinamismu, atractivu a unes noticies, que munches veces y escuetamente nun gocien del interés del lector por sí mesmes. El periodismu faise cada vez más creativu y los periodistes aseméyense cada vez más a escritores de la realidá, a escritores de la realidá novelada, esborrando la tradicional oposición entre llinguaxe periodísticu y llinguaxe lliterariu.
Güei asistimos a la fin y al frayamientu de los xéneros y tamién al surdimientu por fin non yá d’un periodismu lliterariu n’asturianu sinón d’un periodismu, a seques, n’asturianu. Habrá que analizar per onde va discurrir esti nuevu periodismu nel nuevu mileniu, una dómina onde la imaxe quiciabes venza a la palabra. y onde se requerirá más opinión escrita que información escrita, más postures que reflexos, en definitiva, más espresión que impresión.
La realidá, de toes formes y por más que se novele, nun dexará de ser realidá noticiable. Esti tipu de periodismu, el lliterariu, tardó una década en llegar al nuestru llau del Atlánticu, onde se recibió mecíu yá con otru xéneru consolidáu n’América y al que me refiero col nome de lliteratura periodística.
La característica definitoria d’esti tipu de periodismu ye la diverxencia del periodismu tradicional a base d’una invasión de recursos llitararios na escritura de prensa. El periodismu lliterariu más que informar pretende apasionar, comunicar emotivamente al lector mediante l’actualidá diaria. L’obxetivu ye interesar al públicu más que ponelu al día, utilizando pa ello detalles alrodiu los acontecimientos en llugar de centrar el mensaxe informativu na propia noticia, munches veces yá conocida previamente pol lector. El llinguaxe periodísticu polo tanto nun s’escapa tampoco a esta desobxetivización de la realidá y tiende a tresmitir meyor el discursu de los sentimientos, de les emociones o de les idees más que a comunicar amueses de noticies. Estos recursos estilísticos vienen usándose deliberadamente polos informadores tamién pa sorrayar la so actitú ética, la so visión ideolóxica, estética y política de la realidá, tomando partíu a través de la lliteratura y énte cada noticia. Actualmente asistimos a una desvalorización de la “obxetividá informativa” siendo utilizáu en munches ocasiones esti términu con matiz peyorativu. Los lectores asumen yá que tou testu periodísticu tien pasao, si lo pasa, por una subxetividá previa, la del inforador o redactor y pola so particular visión del acontecimientu. Nalgunos casos la obxetividá neutra de la información denota claramente una toma clara de posicionamientu. Los recursos lliterarios ayuden al periodista a presentar con mayor persuasión y convencimientu la visión del sucesu noticiable. Trátase de dar dinamismu, atractivu a unes noticies, que munches veces y escuetamente nun gocien del interés del lector por sí mesmes. El periodismu faise cada vez más creativu y los periodistes aseméyense cada vez más a escritores de la realidá, a escritores de la realidá novelada, esborrando la tradicional oposición entre llinguaxe periodísticu y llinguaxe lliterariu.
Güei asistimos a la fin y al frayamientu de los xéneros y tamién al surdimientu por fin non yá d’un periodismu lliterariu n’asturianu sinón d’un periodismu, a seques, n’asturianu. Habrá que analizar per onde va discurrir esti nuevu periodismu nel nuevu mileniu, una dómina onde la imaxe quiciabes venza a la palabra. y onde se requerirá más opinión escrita que información escrita, más postures que reflexos, en definitiva, más espresión que impresión.
La realidá, de toes formes y por más que se novele, nun dexará de ser realidá noticiable. Esti tipu de periodismu, el lliterariu, tardó una década en llegar al nuestru llau del Atlánticu, onde se recibió mecíu yá con otru xéneru consolidáu n’América y al que me refiero col nome de lliteratura periodística.
La lliteratura periodística podemos presentala falando previamente de les influencies del periodismu na narrativa y nos narradores más actuales. Hai modalidaes de la narrativa actual que tienen muncho que ver col periodismu. Asina entendiólo Truman Capote cuando publicó nel añu 1965 A sangre fría,un desaselante relatu basáu en fechos reales sobre unos crímenes que conmovieron a la sociedá norteamericana de los primeros sesenta y escritu según les técniques del reportaxe perodísticu y según les consignes del llamáu nuevu periodismu. Destamiente nació la novela-reportaxe, a mediu camín ente la ficción y la realidá, ente la lliteratura y el periodismu. Estilísticamente, la novela-reportaxe combina el realismu propiu del periodismu col llinguaxe simbólicu y abstractu propiu de la lliteratura. Otra forma de la llamada lliteratura periodística consiste en construír relatos con técniques derivaes de la redacción de noticies o bien tomando noticies como filu argumental, aprovechando d’esta forma los temes calientes de la realidá más inmediata y desgraciadamente tamién más violenta. Otru estadiu de la lliteratura periodística surde cuandu l’escritor aprovecha el contestu de les noticies o de l’actualidá pa entamar sobre él un mundu lliterariu de ficción y a la vez pa reflexionar sobre esi propiu presente. D’equí apaez un xéneru averáu a les memories, relatador del pasáu vivíu más inmediatu y al de les cróniques, onde cierta ficción se mece cola realidá hestórica tovía latente, especialmente l’asocedida de la Guerra del 36 hasta ‘l tiempu presente. Na novela-crónica los sucesos van marcando cronolóxicamente el ritmu del relatu con una visión totalmente subxetiva propia del memorialismu autobiográficu. En toos estos subxéneros lliterarios la realidá siempre ta mui presente y lo que nellos hai d’actualidá o de noticioso avéralos nun cabe duldes al periodismu. Esti tipu de lliteratura tien siempre llugares destacaos nes llistes de meyor-vendíos, siendo unos xéneros mui del agradu del lector.
De hai poco viemos nacer un periodismu n’asturianu y tras d’ello a unos periodistes que redacten noticies n’asturianu. El desenrollu futuru d’esti nuevu periodismu marcaralu el tiempu coles sos pautes. La entruga que quiero esponer agora ye la de si esiste ciertamente una lliteratura periodística n’asturianu. A esta respuesta y a otres que surdan convócovos pa que la podamos precisar, si cabe, dientro d’unos meses o d’unos años.
No hay comentarios:
Publicar un comentario